Дэлхий дээр нийт 3,6 тэрбум сошиал идэвхтэй хэрэглэгчид байдаг бөгөөд тэдгээр хэрэглэгчид видео төрлийн контентод илүү татагддаг аж. Сар бүр тэдгээр хэрэглэгчдийн 1,25 тэрбум нь зөвхөн фэйсбүүкийн “Facebook Watch” дээр байрласан видеог үздэг байна. Фэйсбүүкийн видео сурталчилгааны энэхүү чиг хандлагыг бизнес эрхлэгчдэд ашиглах боломжийг олгодгоороо онцлогтой юм.
Ямар контент хэрхэн яаж бүтээх? Шинэ боломжит хэрэглэгчдийг хэрхэн бий болгох гэх мэт асуултуудыг асууж сууна уу? Тэгвэл энэ удаагийн нийтлэлээр сошиал орчинд тэр дундаа цаашдаа хамгийн их хандалттай байх видео сурталчилгааны талаар хүргэхээр бэлдлээ.
Видео сурталчилгаа нь бусад төрлийн сурталчилгааг бодвол хоёр дахин их хандалт авдаг төдийгүй маркетерууд брэндийн утга санаа, шинж чанарыг харуулах, үзэгчидтэй сэтгэл хөдлөм байдлаар холбогдоход илүү дөхөм гэж үздэг.
Фэйсбүүкийн видео сурталчилгаа нь зах зээлд оролцогчдын ашигладаг хамгийн үр дүнтэй форматуудын нэг аль хэдийнээ болсон. Фэйсбүүк дээр видео зарыг гүйлгэх, зогсоох, хэрхэн яаж үүсгэхийг мэддэг болох нь сошиал платформ дээр өрсөлдөх чадвар төдийлөн ихсэх боломжтой.
Facebook-ийн видео зар гэж юу вэ?
Ихэнх хүмүүс фэйсбүүкийн news feed доторх видео заруудыг л мэддэг бөгөөд үүнийг гүйлгэж байхдаа хардаг. Гэвч таны видео зарыг фэйсбүүк дээр дараах байршлуудад харуулдаг. Үүнд:
In-feed сурталчилгаа нь органик посттой илүү адил төстэй харагддаг. Учир нь эдгээр заруудыг хэрэглэгч News feed- ээ доош гүйлгэж байхдаа харах боломжтой.
